COCKTAIL Band


Direkt zum Seiteninhalt

gimerdssalz



Gib mir ds' Salz, dert äne
(Musik: Gimme hop Joana Berndeutscher Text:Margherita Bächler)

Am e Tag i me e chlyne Beizli

ha i mir e Suppe bstellt
u wo i dervo e Löffel gässe ha
ha i gmerkt dass öppis fählt
I ha gsuecht uf em Tisch u näbedran
das chlyne Büchsli ha i niene gseh
es isch so müehsam, doch i mues das eifach ha
u dr' Chällner dä isch niene me
Gib mir ds' Salz, dert äne
süsch isch sie fad
Gib mir ds' Salz, dert äne
's isch hüt nid em Choch sy Tag
Dert am Tisch im Egge vis-a-vis
sitzt e Typ wie e Grizzly-Bär
i wett doch däm dert das cheibe Büchsli näh
doch das schynt mir ziemlich schwär
Trotz Blicke vo mir, het er nid reagiert
u luegt sys Menage grimmig a
me chönnt meine er hätti's abonniert
derby sött i's dringend ha
Gib mir....
U i knabbere verläge a mym Brot
u ga düre zu däm Grizzly-Bär
fasse Muet zum rede u wirde rot
wenn ds' Härzchlopfe nume nid wär.
Lächelnd stah i jetz vor sym Tisch
Du dörft i schnäll ds' Menage näh
i hätt dr' Chällner gfragt aber wär weiss wo er isch
i nähmt e chly Salz u würd's de wieder gäh
Gib mir....
I syne Ouge es schelmischs Lache
aber sicher, es git Problem
da müesse mir öppis mache
hin und här isch o nid bequem
weisch Du was, mir sitze zäme
so cha jede vom Menage näh
u Dank dere fade Suppe
het's e nöii Fründschaft gäh
Gib mir ds' Salz, dert äne
u das het mi glehrt
Gib mir ds' Salz, dert äne
Vorurteil si meischtens verchehrt


Zurück zum Seiteninhalt | Zurück zum Hauptmenü