COCKTAIL Band


Direkt zum Seiteninhalt

morgerock



Morgerock
(Musik:Jehlhouse rock Berndeutscher Text:Beat Gfeller)

Am morge früeh , es düecht mi sig no z`mits ir Nacht

dr Wecker rasslet , dass I ömu ou erwach
mis einte Bei suecht prüefend sich ä Wäg vorus
doch duss ischs chaut I bruche jetzt mi Rock
mi barched Morgerock
I gseh us,überchämsch ä Schock
wed mi gsächsch i mim Morgerock.
Hüt ischs wichtig dass I mi nid tue verpfuse
i triffe drum mi Schatz, für chli ga ds schmuse
vor luter jufle merke I`s nid , I bi scho duss
dass I no anne ha mi Morgerock
mi barched.....
I cha nümm zrügg mi Schlüssu isch daheim im Hosesack
u d`s Schloss vor Tür het äbe eifach ighänkt,...zack
was dänke d`Lüt?Es blibt mer nüt me angers übrig
jetzt muess i haut zum Schatz im Morgerock
mi barched .........
Jetz stah`n i da ,I dänke mir es isch so dumm
u ohni Schlüssu z`dräihe blibt mis Outo stumm
Jetz muess i haut ds Tram näh,was cha`n i derfür
dass aui mi astarre i mim Rock
mi barched .........
D`Frou Meier isch mim Schatz, si Vermieterin
sie weiss geng z`Neuschte ,sie isch in
es wot`s der Zufau dass Sie grad im Husgang steit.
wo`n i mi ineschliche i mim Rock
mi barched .........
Mi Schatz macht Türe`n uf u seit oh je mi ne
so öpis heisses ha`n i jetz no niene gseh
sie risst mi a sech sie isch eifach nümme z`brämse
das gits doch nid, sie steit so uf mi Rock
mi barched .........


Zurück zum Seiteninhalt | Zurück zum Hauptmenü