COCKTAIL Band


Direkt zum Seiteninhalt

maengischdaenkinoadi



Mängisch dänk i no a Di
(Musik:I d`love to want me Berndeutscher Text: Michael Flückiger)

Mängisch dänk i no a Di, u Frage plage mi

vieu z`vieu Härz u ke Verstang
isch?s drum grisse üsese Band
Über Nacht bisch zuemer cho
hesch dr Schatte vo mir gnoh
hätt i gahnt wies use chunnt, hätt se gnosse jedi Stund
Weisch no, das Gfüeuh vo verliebt sy
das Gfüeuh vo verlange
das Gfüeuh uf eim z plange
Weisch no, das Gfüeuh vo verliebt sy
das Gfüeuh nach bi Dir z`sy
mängisch dänk i no a Di
Gly scho sy üs Zwyifu cho
hei der Wind us de Sägu gnoh
ds Chartehus isch zäme gheit
het die Chraftprob nid vertreit
Weisch no, ds Gfüeuh zäme eley z`sy
das Gfüeuh sech z`verrenne
das Gfüeuh Farb z bekenne
Weisch no, ds Gfüeuh zäme eley z`sy
das Gfüeuh nümme Di z`sy
au das mahnet mi a Di
Weisch no, ds Gfüeuh vo entüscht sy
das Gfüeuh vo erfriere
das Gfüeuh vo verliere
Weisch no, ds Gfüeuh vo entüscht sy
das Gfüeuh ohni Di z`sy
au das mahnet mi a Di
Weisch no, ds Gfüeuh vo verliebt sy
zäme eley z`sy
das Gfüeuh vo entüscht sy
Weisch no, ds Gfüeuh vo verliebt sy
zäme eley z`sy
mängisch dänk i no a Di


Zurück zum Seiteninhalt | Zurück zum Hauptmenü